اجازه خلصت

رجعت اكتب تاني بعد اجازه من الكتابه طويله ... بعد تجارب و خبرات و بلاوي منيله بستين نيله و حاجات تفرح و حاجات تنقط و حاجات تحبط و امال صغيره مش كبيره ... المهم اني رجعت ... بس المره دي من غير تشجيع من حد الا مني ... حاجه جوايا خليتني عاوز ارجع اكتب تاني ... حاسس بحاجات كتير لازم تطلع كتابه و متتقريش ... مجرد اخراج دون أي هدف اكتر من انها بتمثل لي راحه ..................... مبحبش أكبت حاجه جوايا .. و يا بخت مين بات "كاتب" ولا باتش "مكبوت" !

جمله أخيره : 

وارد اني ف أي وقت امتنع تاني عن الكتابه أو اهلفط أو اقول أي كلام ... عادي أنا كده ... محدش ياخد ف باله ... احب لعب العيال من صغري !

سطر أخير :

نسيت أقول اني غيرت اسم المدونه من  "خواطر Eng!neer مصري حر" لاسم جديد "جواد without فارس" ... مع الأيام اكيد فيه اسباب للتغيير وارد اني احكيها :)

رســـاله للــحــاكــم {1}

-- / -- / 2012

السيد / رئيس جمهورية مصـــر العربيه

نتوجه لسيادتكم بكامل الاحترام و خالص التقدير و نرجو من معاليكم التكرم و توجيه الحكومه الفاضله للنظر في عدة

عـزيـــــزي المجــلس المــــوقر : May I go to WC ??!!

من فتره مش قليله و المجلس "الموقر" بدأ يمشي شمال مع البلد كلها حكومه و شعب لدرجة انه بقى بيخالف نفسه و يعمل عكس كلامه  و عكس موقفه تجاه الثوره و ان كان كل حاجه بيعملها المجلس "الموقر" يقال انها من اجل مصلحة الوطن و محدش يقدر يفتح بؤه "---" ...  يعني مثلا هنتكلم كده على كام نقطه هما الأهم "من وجهة نظري" :

البـــدايــه ;)

الخــواطر ف الموضوع اللي فاتت مجموعه نشرتها قبل سنتين ف بلوج نسيت ايميله و باسوورده :D :D  اسمه "ساعــات كتيـــر"

 http://sa3atketer.blogspot.com

ايامها كنت فاكر اني ممكن اكتب شعر و نثر او اني اعيش نفسي حاله اقدر اطلع منها باحساس اكتبه .....

"بس اكتشفت اني بعيد كل البعد عن الفن ده و الاحاسيس دي اصلا :D :D "

كنت اى حاجه بفكر فيها اتكلم فيها مع اى حد و خلاص و اناقش و اجادل و انسى

يمكن اكتب نوت ولا استاتيوس ع الفيس ولا تويتايه في تويتر و اناقش الموضوع اللي احبه من خلاله

مع بداية 2011 و كل الأحداث اللي مرينا بيها ... فكرت مليون مره ف التدوين و اني اخرج اللي جوايا ف الكتابه 

و اني اسمع الناس رأيي "مش افرضه"

بس كل ما اجي ابدأ الفكره ارجع و اقول طب هتكتب لمين و مين هيقرا و رأيك هيفيد بايه يا معلم !!

و تلف الأيام و تدور و الفكره ف دماغي كل يوم كل ساعه مع كل كلمه وكل رأي بقوله ولا بسمعه 

لحد ما جه اليوم اللي قررت فيه اني ابدأ اكتب .. انقد .. امدح .. اطرح اسئله .. اناقش ..... الخ 

خدت القرار و جاوبت على اسألتي :

هكتب لمين ؟  = لنفسي و اللي هيقرا كلامي يبقى حبيبي و كفاءه و يا حبذا لو نتناقش 

رأيي مهم ؟  = طبعا يا معلم مهم جدا .. بيقولك الكلام لما بتسيبه جوا صدرك و تسكت و متطلعوش .. اخطر و اضر من التدخين ع الرئتين :D 

و بما اني مهندس ولا انا صحفي ولا مدون محترف ولا كاتب محنك و لغتي ولا فصحى ولا عربيه ولا عاميه ... فهتلاقي كتابتي بالخلطه السريه  "يعني عربيه فصحى عاميه انجليزيه هندسيه" :D

 و اخيـــــــــــرا 

اتمنى اكون عند حسن ظن قارئي بيا

و اتقبل كامل نقده و نصحه ليا

اسلام جمال

شوية تاليفات قديمه أي كلام ... أيام ما كنت شاعر قديم :)))

1 - أحبك من كل قلبي

من الاعماق احساسى اكيد
اقولها و انا واثق
واعيا لكل ما اريد
ما الذى يجعلنى انتظر
فكل شىء بك
اهل من مزيد؟؟؟
احبك من كل قلبى
فهذة مهنة هذا العنيد
يحب الصعب و يعشق البعيد
يموت بداخله طمعا فى حب مزيد
ولا يتوانى فى العطف
حبا و اخلاصا بكل تاكيد
ليس طماعا ولا متكبر
يكفيه حبا و لمسة حنان
و ان حس اخلاصا
ففرحته كطفل صباح يوم عيد
كممتحن و بنجاحه سعيد
كفرحة اب بمولود جديد
هذا هو قلبى عطية الحميد
يكررها لك بكل تأكيد