-- / -- / 2012
السيد / رئيس جمهورية مصـــر العربيه
نتوجه لسيادتكم بكامل الاحترام و خالص التقدير و نرجو من معاليكم التكرم و توجيه الحكومه الفاضله للنظر في عدة
مشاكل و طلبات مذكوره ادناه .. أكرم الله وجهكم و بارك لكم في كرسيكم و فترتكم !!1 – اولياء الأمور بيشتكوا من تدني "التعليم" في المراحل الدراسيه المختلفه من الحضانه للثانوي و الاعتماد الكلي على الدروس و حفظ المناهج و حفظ الامتحانات و عدم التزام المدرسين بالدراسه و انتهاء صلاحية ضمير معظم القائمين على اعمال التدريس و النتيجه طالب داخل جامعه حافظ مش فاهم بيكتب اسمه غلط .. ولا اداره بتحاسب مدرس ولا ابنيه تعليميه بتتطور ولا معامل ولا رياضه ولا تربيه فنيه ولا موسيقى ... ده طبعا غير ان مفيش دين ... حتى "المعلمين" لا بقى في دماغهم تعليم ولا اداره ولا توجيه ولا نظاره بقى المهم كله الصبح اعتصام عشان الزياده و الكادرات "جزء كبير مظلوم و يستاهل 100 زياده" - و بعد الظهر لحد نص الليل في الدروس الخصوصيه !!
2 – المرضى و الأصحاء و حتى اللي اتوفوا جوه المستشفيات بيشتكوا من تدهور أوضاع المستشفيات و "العلاج" في مختلف أنحاء البلد ... بقت الاشاعه و التحاليل هي اسهل رد عند أى دكتور ... بقى يدخل المستشفى بمرض يطلع ب 2 .. يدخل سليم يطلع موهوم ... بقت عندنا نسبة وفيات لناس داخله تتعالج بتموت بحقنة بنج ملوثه .. ده غير تجارة الأعضاء و بيع الأطفال!! .. ده بقى بقى غير الرعايه ال0 نجوم وعدم احترام ولا مراعاة المرضى و حقوقهم ...... ولا اعتصامات "الأطباء" اللي لهم مليون حق ضايع في البلد اللي بيضيعوا سنين شبابهم تعليم و ماجيستير و دكتوراه و رسايل و زماله و في الأخر حكومة معاليكم بتكافئهم بمرتبات لا تذكر !!
3 – الشعــب بيعاني من تدني "المرتبات" .... بقى فيه ناس بتستنى تجيب أكلها من بواقي أكل غيرها "مش هقول م الزباله" ... بقى فيه ناس نسيت يعني ايه بروتين و تحتهم ناس نسيت الخضار و قبلهم ناس الفول فاتح بيوتهم و ساعات بيكون غالي عليهم ... بقى فيه ناس مش عارفه بكره هتعمل ايه و هتجيب منين ... بقى فيه ناس مرتبها بيخلص أول يومين ف الشهر ... و ناس معاشاتها بتتصرف على ديونهم و علاجهم يوم صرفها ... الغلابه بقوا الأغلبيه ... البلد مليانه خير مش بيتوزع و الخير بينقط نقطه كل فين و فين الشعب كله بيتخانق ع النقطه دي و بينهشوا بعض عشانها و بردو الفقير بعيد عن النقطه دي ...... نفسنا منلاقيش شحات ولا بياع مناديل ع الرصيف ولا حد بيته الرصيف و الاسفلت !!
4 – "المهندسين""المحاسبين""الاعلاميين""و معظم خريجي الجامعات" مش لاقيين شغل في بلد مليان مصالح حكوميه و شركات قطاع خاص و اسثمارات مصريه و عربيه و اجنبيه تستوعب الكثير و الكثير و لكن مفيش فرص عمل بالكم المطلوب ولا بالأعداد اللي بتتخرج كل سنه من الجامعات .......... نتمنى ننسق التعليم الجامعي مع التعيينات و حجم استيعاب سوق العمل للخريجين .... مع زيادة الحد الأدنى للأجور لجميع فئات الشعب من العاملين بالقطاع العام و الخاص و زيادة مناسبه لمستحقى المعاشات و تطوير الأجهزه المعنيه بكل هذا !!
- < أخيرا ... اتمنى من حضرتكم التقرب لأرض الوقع و عدم الانعزال بكرسيكم عن مطالب الشعب الذى وضعكم حاكما له "وقادر على الاتيان بغيركم" .. و اختيار الأصلح و التخلص من السلبي في حكومتكم الموقره .. و مراعاة مصلحة الفقير قبل الغني لنقضي على كلمة فقير .. و التواصل مع الشعب من أن لأخر لأن الشعب هو من يحكم و ليس الأفراد .. نعلم بثقل الحمل علي سيادتكم بعد ظلم 30 عام و لكن المهمه غير مستحيله اذا تمعنتم في معنى "أقــيموا العدل تنعمـــــــــــوا"
****************************
"ان الله يقيم الدولة الكافرة وان كانت عادلة ولا يقيم الظالمة وان كانت مسلمة"
to be continued
هناك تعليق واحد:
سيدى الرئيس
تحيه طيبه و بعد
ارسل الى سيادتكم رساله مع رساله صديقى لا اعلم ان كنت ستقراءها ام لا ان مطالبى فخامتكم ليست مطالب عظيمه او مطالب شعبيه كمطالب زميلى هى مطالب شخصيه احلام ربما انا وحدى من احلم بها ربما يشاركنى في الحلم بها الكثير
سيدى الرئيس احلم بان اعثر على وظيفه فى بلدى بمرتب يكفل لى الاعتماد على نفسى يعطينى الحق فى ان احلم بان اكون عائله فى يوم من الايام و انا شابا لا ان ابدأ حياتى و انا على مشارف الاربعين.
سيدى الرئيس ربما تظن انى اسال الكثر و لكنى لم انتهى بعد اتوسم فيك رحابه الصدر و ان تستمع الى اننى اريد ايضا ان اعامل معامله كريمه على ارض وطنى فى كل مكان فيه عملى , الشارع و الموصلات العامه
اشعر برغبه لا اعلم كيف طفت على سطح مشاعرى او خطرت على بالى اريد ان اشعر بادميتى فى وطنى لا اسال الكثير اريد ان اشعر بان هناك مستقبل فى بلدى الحبيب اريد ان اعرف بان عائلتى و اولادى سيحصلوا على مستقبل افضل من واقعنا الحالى اريد ان انتمى الى بلدى مصر
اننى على الرغم من حبى لها الا اننى اشعر احيانا اننى لا احمل الجنسيه المصريه اعامل معامله الجاسوس فى بلدى ينظر الى رجال القانون على اننى مشتبه به دائما غير انى اعترف بانى لم اتعرض الى مضايقه منهم او ظلم صراحه ولا اعرف احد معرفه شخصيه وقع عليه ظلم منهم لكننى اننى اسمع قصص تقص علي من اشخاص لا املك رفاهيه تكذيبهم قصص اتعاطف مع ابطالها لو كانوا صهياينه من هول ما يقص على و بشاعه ما يحدث ارجوك لا تكن كمن سبقك من الرؤوساء ارجوك لا تعاملنا على اننا جميعا خونه لا نريد خير للوطن سيدى الرئيس لا اعلم ان كنت قد تماديت فى ما اطلب به لكنى لا اطلب حياه ورديه او رفاهيه لا استحقها كل ما اطالب به هو فرصه لصناعه مستقبل فى بلدى لا ان ارحل الى دوله اخرى لكى احقق ما اريد انى كل ما اريد هو ان اعيش كانسان فى بلدى
فى النهايه اقول لك دعابه اخبرنى بها صديقى السورى عندما سال امريكى سورى اخر ما هى احلامك يا صديقى فاجاب السورى و على فمه ابتسامه مريره احلم بان يكون لى دخل ثابت بكفل لى حياه كريمه احلم ببيت و زوجه و اولاد و سياره فاستوقفه الامريكى باشاره قائلا يا صديقى سالتك عن احلامك لا عن حقوقك
انا يا سيدى احلم بحقوقى لكى ياتى من بعدى اولادى ليحلموا احلام خاصه بهم اعدك انها ستكون احلام اكبر من احلامنا
امضاء
مازن محمد احمد
إرسال تعليق